Assalamualaikum warohmatullohiwabarokatuh
Juru pambiji ingkang satuhu kinormatan,bapa saha ibu dwija ingkang tansah nggulawentah siswa ingkang kula urmati,mboten supe sedoyo rencang – rencang ingkang kula tresnani.
Puji dalah syukur konjuk ngarsanipun gusti Alloh ingkang maha welas asih awit ing wekdal punika kula lan panjenengan taksih pinaringan rahmat, hidayah satemah saged kempal manunggal wonten papan punika ndereaken adicara sayembara olah sesorah kanthi wilujeng nir baya nir ing
sambekala.sholawat dalah salam mugiyo konjuk dhumateng nabiyulloh Muhammad SAW ingkang tansah dipun antu – antu syafaatipun mbenjang ing yaumul kiyamah .Aamiin aamin ya robal alamin.
Juru pambji ingkang dipun rahmati Alloh subhanahu wataallah
Wonten ing zaman punika ingkang kawastanan zaman milenial kabudayan jawa sangsaya luntur.mboten namung kabudayannipun ,nanging basa lan sastra jawa ugi tansaya luntur saking laladan jawi punika.pitakonanipun punapa budaya jawa bade surno? Oh tartamtu mboten. Supados basa jawa mboten ical saking laladan jawi punika pramila kedahipun tularaken dumateng putra putri tanah jawi.Amargi basa lan sastra jawa punika minangka warisan budaya ingkang luhur.
Juru pambiji ingkang kinormatan
Awit saking kasuyatan kalawau kapareng kulo bade matur sesorah ingkang irah – irahan nipun
“Piwulang Sajroning Basa lan Sastra Jawa .
Juru pambijii dalah para pilenggah ingkang satuhu kinurmatan.
Sajroning basa lan sastra jawa estu ngemu piwulang ingkang luhur , amargi saged mbiyantu kula lan panjenengan kangge mawas dhiri kanthi luwih asri lan memayu hayuning bawana.
ingkang sapisan piwulang basa lan sastra jawa biyantu mawas dhiri kanthi lewih asri punika saged dipun lampahi menawi kula lan panjenegan saged ngresepi saloka sakjroning unggah ungguh basa.
Ingkang kaping kalih menawi kula lan panjenengan saged nguri – uri budaya lan sastra jawa puniko ateges kita saged njagi leluhur ingkang yektos saged memayu hayuning bawana jawa.
mula rencang - rencang ampun kepincut budaya manca ingkang saged ngrisak tatanan leluhur ingkang becik kangge kula lan panjenengan .mugiyo gusti Alloh tansah paring kewilujengan dumateng sedoyo ingkang dumadi.
Juru pambiji ingkang bagya mulya.
Kados namung semanten ingkang saged kula aturakan mugiya wonten paedahipun sorahan punika, katah lepat nyuwun pangapunten
Liburan ning kota Surabaya Budhale numpak pesawat
Ayo kanca kabeh nglestareake budaya jawa Tandane budaya ngadeg kuat.
Billahitaufik walhidayah waasalamualaikum warohmatullohi wabarokatuh
