65
Annisa Hardiyanti Aprilia, 2015
Kata Serapan Dalam Karangan PercakapanSiswa Kelas Vii Smp Negeri 6 Bandung Universitas Pendidikan Indonesia | repository.upi.edu | perpustakaan.upi.edu
BAB V
KACINDEKAN JEUNG REKOMENDASI
5.1. Kacindekan
Kacindekan dina ieu panalungtikan nyéta dina kagiatan paguneman siswa
baris lumangsuna serepan-serepan boh dina budaya, boh dina kesenian, boh dina
basana. Proses serepan bisa ngaliwatan kagatan naon waé. Hususna dina prosés
serepan basa anu ngaliwatan kagiatan komunikasi boh lisan boh tulisan.
Basa dina hiji nagara moal sagemblengna murni pasti loba pangaruh tina
basa séjén. Lobana pangaruh anu aya ngakibatkeun interaksi ngabiasakeun maké
kecap serepan dina kahirupan sapopoé. Masarakat sunda sering ngagunakeun
kecap serepan, lantaran masarakat sunda teu mikawanoh kecap basa Sunda atawa
memang teu aya kecapna dina basa Sunda.
Ku kituna, masih perlu aya panalungtikan ngeunaan kecap serepan dina
karangan paguneman siswa. Panalungtikan ieu kagolong kana panalungtikan
kualitatif metodé déskriptif. Anu didéskripsikeunnana nyaéta unsur serepan dina
karangan paguneman siswa.
Dumasar kana hasil analisis data jeung pedaran dina bab IV, aya lima hal
anu bisa dicindekkeun nyaéta kecap serepan dina karangan paguneman
kapanggih aya 74 kecap serepan, anu nyerepna kecap tina basa Indonesia jeung
basa Asing. Asal basa kecap anu kapanggih dina karangan paguneman siswa aya
6 asal basa. Asal basa tina basa Indonesia, basa Walanda, basa Inggris, basa
Sansakerta, Protugis jeung basa Arab. Nu umunna kecap serepan anu kapanggih
tina basa Inggris. Disawang tina unsur pangwangunna, kapanggih aya 60 kecap
serepan salancar serepan anu kabagi deui dina wangun kecap salancar dwiengang
anu aya 38 kecap jeung dina triengang aya 13 kecap. Ari dina wangun kecap
rundayan aya 9 kecap. Tina segi warnana, kecap serepan dina karangan
paguneman siswa umumna dina warna kecap barang. Najan kitu, kapanggih ogé
kecap serepan dina warna kecap sipat jeung kecap pagawéan. Disawang tina
warna kecapna aya 64 kecap barang, aya 18 kecap pagawéan, jeung aya 10 kecap
66
Annisa Hardiyanti Aprilia, 2015
Kata Serapan Dalam Karangan PercakapanSiswa Kelas Vii Smp Negeri 6 Bandung Universitas Pendidikan Indonesia | repository.upi.edu | perpustakaan.upi.edu
harti inhérenna kapanggih aya 7 harti inhérenna nyaéta harti anu nuduhkeun ‘jalma’, harti anu nuduhkeun ‘tempat, harti anu nuduhkeun ‘barang’, harti anu nuduhkeun ‘hal’, harti anu nuduhkeun ‘sipat’, harti anu nuduhkeun ‘kaayaan’, jeung harti anu nuduhkeun ‘kalakuan’.
5.2. Rekomendasi
Kecap serepan miboga peran penting dina kahirupan sapopoé kusabab
lobana pangaruh globalisasi téa. Lobana pangaruh-pangaruh jaman kiwari anu
ngakibatkeun masarakat sering maké kecap-kecap anu lain mangrupa kecap asli
basa Sunda. Sanajan kitu, kecap serepan téh bisa ngabeungharkeun kandaga kecap
dina basa Sunda, ngan kudu diwatesanan asupna basa asing ka basa Sunda
kulantaran bisa ngaleungitkeun basa asli masarakat Sunda sorangan. Ku kituna,
urang Sunda bisa neuleuman leuwih jero deui mangsa kahareupna, aturan dina
nuliskeun kecap, dina maké kecap serepan, hususna tina basa asing.
Kitu deui, dina wangun paguneman anu jadi kabutuhan sapopoé masarakat
Sunda, kecap serepan loba pisan digunakeun dina paguneman sapopoé. Contona
waé dina paguneman siswa anu aya di sakola tangtu loba kapanggih kecap-kecap
serepan hususna tina basa asing.
Salaku masarakat Sunda, sangkan kecap serepan téh bisa dipikawanoh ku
jalma réa, lain ngan saukur wanoh kana kecapna, tapi wanoh ogé kana asal basa
tina kecapna.
Ieu panalungtikan masih perlu dituluykeun jeung dimekarkeun deui kana
panalungtikan séjén anu ngulik kecap serepan kana karangan novel, carpon, jeung
karangan anu séjénna. Bisa dimekarkeun deui ogé tina rupa-rupa basa deungeun
jeung basa dulur anu leuwih jero. Panalungtikan kecap serepan anu bisa
ngebeungharan pangaweruh urang Sunda yén lobana kecap-kecap serepan anu aya
