BAB III
MÉTODEU PANALUNGTIKAN
3.1Desain Panalungtikan
Dina panalungtikan dibutuhkeun desain panalungtikan nu mangrupa
gemblengan prosés dina rarancang panalungtikan jeung prak-prakan
panalungtikan nepi ka patalékan-patalékan anu aya bisa dijawab. Gemblengan
rencana ieu panalungtikan téh dimimitian ku ngebréhkeun pasualan-pasualan
nu ngadasaran dilaksanakeunana ieu panalungtikan. Ieu panalungtikan téh
didesain pikeun medar dua hal utama kahiji ngulik struktur naskah drama Rajapati
sarta ngulik aspek-aspek pragmastilistik.
Ieu panalungtikan sacara jembar ngagunakeun pamarékan kualitatif anu
nyindeken kana métode déskriptif-analitis. Dina bagbagan prosés ieu
panalungtikan, panalungtik boga peran salaku subjék sakaligus objék. Panalungtik boga peran salaku instrumén anu ngama’naan réalitas jeung gejala-gejala anu nyampak. Prosés ngumpulkeun data téh dilaksanakeun
kalawan téknik studi pustaka (téks) tina sumber data (paper) nu geus
ditangtukeun. Pikeun ngagampangkeun dina prosés ngumpulkeun data,
panalungtik ngagunakeun instrumén kartu data salaku alatna. Sanggeus kakumpul
tuluy diolah kalawan ngagunakeun analisis tés langsung (konstituén). Tujuan
tina ieu analisis nya éta pikeun ngadéskripsikeun hasil data panalungtikan
sangkan bisa ditafsirkeun (diinterprétasi) jadi hasil analisis. Hasil tina ieu
analisis dipiharep bisa ngadéskripsikeun struktur jeung aspek-aspek
pragmastilistik nu aya dina naskah drama Rajapati. Bagéan pamungkas kakara
dicindekkeun salaku hasil tina panalungtikan. Pikeun leuwih jéntréna, ieu di
Bagan 3.1
Desain Panalungtikan
Pasualan Panalungtikan
1. Deskripsi naskah drama Rajapati.
2. Struktur carita naskah drama Rajapati disawang tina jihat struktur lahir. 3. Pragmastilistik dina naskah drama Rajapati.
Ngumpulkeun data (Teknik studi pustaka) Instrumen panalungtikan
(Kartu data)
Ngolah data Analisis unsur langsung
Analisis data a. Deskripsi naskah drama Rajapati
b. Struktur carita dina naskah drama Rajapati disawang tina jihat lahiriah jeung batiniah.
c. Naskah drama Rajapati mibanda unsur pragmatik jeung stilistik nu antukna jadi pragmastilistik.
Deskripsi data a. Deskripsi naskah drama Rajapati
b. Struktur carita dina naskah drama Rajapati disawang tina jihat lahir jeung batin.
c. Naskah drama Rajapati mibanda unsur pragmatik jeung stilistik nu antukna jadi pragmastilistik.
Kacindekan
Métodeu téh minangka léngkah pikeun ngahontal udagan pikeun
nyangking hasil panalungtikan nu gembleng. Ku kituna, dina unggal
panalungtikan salawasna merlukeun métode sangkan bisa nyangking tujuan
panalungtikan. Métode anu digunakeun dina ieu panalungtikan nya éta
métode dékriptif. Métode déskriptif nya éta métode nu ngungkulan pasualan
kalawan aktual ku cara ngumpulkeun, nyusun, nyieun, papasingan, ngaanalisis,
jeung nafsirkeun (Surakhmad, 1994, kc. 139).
Métode déskriptif digunakeun dina ieu panalungtikan pikeun
ngadéskripsikeun sacara sistematis data nu aya dina naskah drama Rajapati
dumasar kana tilikan struktural jeung pragmastilistik.
Métode husus nu digunakeun dina ieu panalungtikan nya éta métode
struktural jeung pragmastilistik. Ieu métode téh mangrupa gabungan antara
métode panalungtikan struktural-pragmastilistik.
Dina prak-prakanana, ngagunakeun métode struktural-pragmastilistik téh
nya éta ngaanalisis struktur batin jeung lahir, kajian pragmastilistik.
3.2Sumber Data
Nurutkeun Arikunto (2010, kc.129) Sumber data nya éta sakabéh téks anu
ngarojong tur anu dijadikeun sumber utama dina panalungtikan. Dina ieu
panalungtikan, anu dijadikeun sumber data nya éta ragam basa tulis mangrupa
naskah drama rajapati karangan Ahmad Bakri nu lobana 16 kaca nu dicokot ti
bank naskah téater Saddo STKIP Garut.
3.3Ngumpulkeun Data
3.3.1 Instrumén Panalungtikan
Instrumén nu digunakeun dina ieu panalungtikan nya éta lambar kartu
data. Kartu data dina ieu panalungtikan boga pungsi pikeun ngumpulkeun data
nu mangrupa naskah drama Rajapati nu ditinggali tina stuktur jeung
pragmastilistikna. Tujuana sangkan ngagampangkeun dina prosés nganalisis data,
Tabél 3.3.1
Instrumén Kartu Data
Naskah Drama Rajapati
(Rp/2/A1/P1a) Lurah: “Wayahna Darma sing sabar, … ulah aral, papastén anu kawasa, dungakeun anggur,Ijah sing meunang rahmat pangéran”
3.3.2 Téhnik Ngumpulkeun Data
Téhnik anu dipaké dina ieu panalungtikan nya éta studi pustaka
(dokuméntasi), hal ieu pikeun maluruh naskah drama Rajapati karangan Ahmad
Bakri salian ti nu aya dina téks. Salian dipaké téhnik analisis téks. Fathoni (2006,
kc.95) nétélakeun yén téhnik talaah pustaka mangrupa panalungtikan nu
dilakukeun di ruang pabukon pikeun maluruh jeung nganalisis data nu sumberna
ti pabukon. Ieu panalungtikan dilaksanakeun ku cara neuleuman buku-buku
sumber anu aya pakuat pakait jeung konsép tioritis katut bahasan pasualan
panalungtikan.
Anapon lengkah-lengkah ngumpulkeun data nya éta; 1) maca naskah
drama; 2) nyirian struktur jeung aspék-aspék pragmastilistik dina naskah drama
rajapati; jeung 3) nyalin struktur jeung aspék-aspék dina naskah drama rajapati.
3.4Analisis Data
Léngkah panalungtikan nu paling penting nya éta analisis data nu
dilaksanakeun luyu jeung prosedur-prosedur analisis data. Prosedur analisis data
nu dilakukeun dina ieu panalungtikan nya éta maca, nafsirkeun, jeung
ngainterprétasi kalawan taliti kana sampel panalungtikan. Naskah anu kapaluruh
satuluyna ditik dina kartu nu geus disadiakeun. Sampel panalungtikan satuluyna
Ngaanalisis data naskah drama téh dilakukeun ku cara téknik analisis
unsur langsung (immediete constituent) nya éta analisis kalimah tina unsur-unsur
anu leuwih leutik; unggal konstituén anu bisa dianalisis bisa dianalisis deui
dumasar konstituén séjén, nepi ka éta kalimah teu bisa disawang salaku kajadian
dumasar lapisan-lapisan konstituén.
3.4.1 Téhnik Ngolah Data
Data nu geus kapanggih, saterusna diolah make téhnik-téhnik anu geus
dipedar di luhur. Anapon léngkah-léngkahna nyaéta:
1) Niténan deui omongan naskah anu geus dibaca
2) Ngaruntuykeun data peradegan
3) Méré kode data sacara manual
4) Papasingan
5) Ngaanalisis sakabéh data
6) Ngadéskripsikeun sakabéh data
7) Nafsirkeun sakabéh data