NINIK MAMAK NAN BARANAM
B. DUDUK BERADAT
1. Assalamu’alaikum warahmatullahi wabarakatuh
Sambah dianjuang tinggi
Sambah diambah gadang – gadang Maap dimintak ka nan banyak Salam ta tabuah di nan rapek
Sambah taunjuak pada Datuk Dubalang, apolah yang akan jadi buah panyambahan dek sayo pado datuak, pado waktu kini ko, tagak dek duduak kapandangan, tando alamat putieh hati, pihak kami nan saliang bapangka karajo nan bapokok, pihak carano nan katangah nan ta unjuk pado Datuk.
Carano Banjar Reno Ali, buatan tukang Koto gadang, nan kangkun gagak kan inggok, nan latieh alang bamain, nan rimbun bak bungo kaliki, nan rancak bak bungo kacubuang, satahun pangga budi, samusim langgar jo Cino, namun karatk rangiang pun tidak, itu carano nan katangah, baisi sirieh salangkapnyo, dalam sapu dilipek pinang, sedang elok, kaciak indak gadangpun tidak, Bunto umpamo taluah buruang, lah tibo dimuko datuak, itu mako lakek nan bak janyo pituah, siriehlah udang jo tanggiri, sirieh galak, pinang menari, pananti alek jamu nan datang, itu kapalo baso basi. Namun sekarang kini nangko, dek caranolah tibo dimuko datuak, kan ganti rokok nan sabatang, kan ganti kito bakanalan, sirieh sahalai mintak dicabiek, pinang sadidih mintak digatok, nak tantu karajo kito mulai, sakian sajo panyambahan, kato nak mintak dibunisi.
Jawab :
Alah sampai dek Datuak tu, ...alah
Sapanjang panyambahan Datuk tu, kok didangalah bak bunyi, kok dipandang lak baiek rupo, tapi samantangpun baitu, nan bak pituah Datuak juo, inyo bak umpamo urang manabang kayu, dandan takanak kapak tibo, kayu ditabang indak rabah, unjuik mukosuik kok tak sampai, kok talambek datuak dalam itu sakian sajo panyambahan, kato mintak dibunisi.
93
Jawab :
Alah sampai dek Datuak tu, ...alah
Dek Sayo kato Datuak nan sapata tu kan sayo nanti, nan sangko pikiran hati, sayo itu cako, guyuang kan indak ka basambuik, kato kok indak ka bajawab, namun sekarang iko kini, nak ambo sugirokan malah, sifat mananti juo Datuak, lai kok bulieh nan bak itu, nak pituah, sekian panyambahan.
Jawab :
Alhamdulillahirabil‟alamin, sifat mananti malah sayo Alek samo alek
Malah Datuk Simarajo sarato dunsanak subalah kakiun, kok kini lah samo kito danga, rupo lah lamo kito like, nan taserak ka tangah – tangah, nan talimpah ka badan diri ambo surang, kok manuruik adat nan biaso, nan baico nan bapakai, nan bailieh bamudiekan, tumbuah sarupo iko kini, kok datang gayuang basambuik, kok datang kato bajawab, tapi bailieh bamudiekan, tumbuah sarupo iko kini, kok datang gayuang basambuik, kok datang kato bajawab, tapi samantangpun baitu, pihak dibadan diri ambo, gayuang nan balun katasambuik, kato nan balun katajawab, sebab ba a bak itu, awak nan kaciek mudo mantah, umua nan alun satahun jaguang, darah nan sabalun satumpuak pinang, pandapek balun sakuku, kurang aso, kurang biaso, kurang tau kurang pandai, ba ato kini, gayuang nan kan manyambuik, kato nan ka bajawab sakato kami sabalah kanaiak, iyo datuak sabalah kakiun, sakian sajo panyambahan, kato mintak dibuni.
Jawab :
Alah sampai dek sutan tu,...alah
Sapanjang panyambahan Sutan itu, lai dalam barieh jo balobeh, lai dilingkuang adat jo pusako, lai dipaga cupak jo gantang, tapi samantang pun baitu, kilek baliung alah kaki, kilek camin alah tapaciek di pandeka, kom ayam alah tapaciek di juaro, kok batuang alah tumbuah dimatonyo, lah patuik bana sutan nan kamambaleh tu ma, sakian sambah pado sutan.
94
Jawab :
Lah sampai dek Datuak tu, ...alah
Sapanjang panyambahan Datuak tu, dipikieh palito hati, didagak jo kiro – kiro, dinanang sarugo aka, itulah kato sabananyo, tapi samantang pun baitu, nan bak pituah Datuak juo, jiko bakato ka nan pandai, nak basulah mato hari, rancak malah Datuak tabiknyo, gayuang ka nan manyambuik, kato nan ka manjawab, sabab ba a dek itu, intan nan pulang ka suaso, ameh nan pulang ka baiduri, sakian sajo panyambahan, kato nan mintak dibunisi.
Jawab :
Alah sampai dek sutan tu, ...alah
Sapanjang panyambahan sutan tu, lai dalam barieh tibo paek lai dilingkuang cupak jo gantang, tapi samantangpun baitu, nak bak pituah Sutan tadi, pihak dibadan diri mamak, kok lidah lah kalu, mato lah rabun, talingolah pakak pulo, dek lai nan capek, ringan kaki, nan ringan tangan, nan pasih lidah, rancak malah di Sutan takieknyo, gayuang nan kan basambuik, kato kabajawab sakian sajo panyambahan.
Jawab :
Lah sampai dek mamak tu, ...alah
Sapanjang pituah mamak tu, itulah kato sabananyo, tapi samantangpun baitu, pihak di kami sabalah kaniak, awak nan kaciek, mudo mantah, ilmu jauah sakali, pandapek saketek indak, lai dek kami nan marusuah nan manggamang, nan maragu di pikiran mambao bimbing kiro – kiro, malah ruponyo iyo kok umpamo urang balaie, hari rancak haripun tanang, parahu balaie maso itu, tibolah sayo tangah lauik, lauik sati rantau batuah, karamlah sayo dalam itu, tarapuang sia kan manjapuik, tabanam sia nan kan manyalami, sakian sambah pado mamak, kato mintak dibunisi
Jawab :
Alhamdulillah, nak ambo karajokan lah malah, sifat mandanga malah mamak. (salasai rundiangan antara alek yang datang, seterusnya panyambahan balik kepada sepangka). Untuk memulangkan sambah sirieh silang bapangka tadi :
Malah Dt. Malin Panduko, sungguhpun datuk surang sayo imbau, namo sayo sabuik gala, sarapeknyolah ninik mamak nan diambah gadang nan dianjuang tinggi, maap mintak, bana dikatangahkan, ujuang sambah sayo tibolah pado datuak, apolah
95 sambah yang akan sayo sambahkan pado Datuak, pado wakatu kini nangko, nan taniat dalam hati, nan taragak kiro – kiro, sajak samulo kami naiak tadi, pandang jauah di layangkan, pandang dakek ditukiekkan, kami naik pintu tabukak, kami masuak lapiek takambang, kami duduak carano tibo, aluran carano nan katangah barisi sirieh salangkapnyo, sirieh banamo sirieh udang, pinang banamo dusun tungga, itu kapalo baso basi, kok sirieh mintak dicabiak, pinang mintak digatok, kan baitu bana kato Datuak, indak lai dek kami nan datang, sirieh talatak kan kami awai, pinang taunjuak kan kami makan, alah kok sanang hati Datuk,
Sakian sajo panyambahan.