NINIK MAMAK NAN BARANAM
B. DUDUK BERADAT
2. PERSEMBAHAN MAKAN MINUM
Beradat atau tidak, atau kenduri besar, atau jamu marapulai, malah Datuak Rajo Ameh, ...iyo ambo.
Sungguhpun Datuk surang nan taimbau, diawal kalam nan sapatah dek sambah ambo nan sabarieh, sarapeknyolah ninik mamak sayo nan diambag gadang nan di anjuang tinggi, maap dimintak bana dikatangahkan ujuan sambah sayo tibokan pada datuk, apolah sambah nan kan sayo sambayakan pado datuk pada wakatu iko kini, nan taniat dalam hati, nan taragak, di kiro – kiro, iyo bak undak jo Bida, Cupak jo gantang, batarajuak nyato pisako juo, bajalan lambek bariak, bakayuah capek dahulu, talayang sampan katangah babalun – balun jo buieh, ombak mamucuak kiri jo kanan, riak baralun di kamudi, gelombang manolak jauh, ombak mambao katapi, tahantak gala katabiang, tibo dirangnyo maronggok, tapi samantangpun baitu, barundiang sopan di santun, bakato basibana, hari baiek kutiko buiek, sakatu bungo sadang bakambang, sauak sajuak angin tibo, parahu maju maso itu, anjuang balaie di musimnyo, sabuang basentak kalanggangnyo, ayam dihulang dek juaro, batimpo garak jo katidie, larang kapado karajo ko. Di kaji adat nan sasiapan, disabuik buek nan dahulu, dibukak satamba lamo, kan jadi tuah pandapatan, satinggi – tinggi malantiang, suruiknyo katanah juo, sajauah marantau, suruik nyo kakampuang juo, satinggi – tinggi tabang bangau, suruiknyo kakubangan juo, sahabih angga jo rantiang, dikubak kulik jo batang, tareh pangubah nan basuo, puntiang talatak nan dihulu, dibawah kumpulan tali, asal mulo kato dahulu, Adat Limbago alah tajadi, bagantuang di tali taguah, dalil paraman di Qur‟an Adat Limbago utang tumbuah, basamo kito malansuangkan, dek kandak barisan cupak jo gantang, taluak tandiang kato mufakat, tujuan bana nan alah sudah, tapajam kilek dimuko, tabayang tampak
96 diateh, badantuang guruih di lauitan, bariak laruik sakilau, babuni pulau di lamun ombak, lah tampak gabak di hulu, lah nyato cewang dilangiek, pihak didiri badan datuk Pucuk Gadang marawa Basa, uiu aie kumpulan buluah, pusek jalo kumpulan tali, tali adat batang limbago, tumbuah nan sarupo iko kini, dilahieh lah samo nyato, di bathin samo manyarah pado Allah, diindang tampih toreh, di tintiang dadak diniru, dipileh ata ciek – ciek, nan bak ibarat dikucup bumi jo langiek, diimpunkan alam saisinyo diambiak kato panghabisan , panghabisan sambah sayo tadi, sabab ba a dek baitu dek lah kasuluah mato nan banyak, alah balanggang mato hari, namun sekarang kini nangko di pandang kiri ji kanan, diliek ilieh jo mudiek, lah nyato dek kito nan basamo, talatak pinggang di lapiek, sadudun galeh jo cawan, samo baisi kasadonyo, nak nyo salamak jo samparono, kok aie mintak diminum, kok nasi mintak di makan, sakian sajo pasambahan, kato nak mintak dibunisi.
Jawab : (alek – alek)
Alah dek datuk tu, ...alah
Sapanjang panyambahan dek Datuk tu, dipikie palito hati, di dagak di kiro – kiro, dinanang sarugo aka, hitam lah lakek dikandaraan, merah lah lakek di kasumbo, lai dirasuak manjariau, lai dek kasua lakek atok, itulah kato sabananyo, tapi samantangpun baitu, lakek papatah orang malayu, hari kamih wakatu Ashar, Sultan Istambul di Bagdad, mambaco kitab jo suratan, surek nan datang dari hakim, surek nan dari Rajo Langkat babungkuih jo lenin akin suto, sababnyo kito duduak dalam barisan adat, mamintak sayo pado datuak, ka ganti hubungan silaturrahmi, tando alamat putieh hati, sabalah Datuak sakatiko, rundian di bao jo baiyo, kato dibao kamufakat, sebab baa dek baitu surek takambang kan kami liek, kalau barencong kan kami pakai, lai kok bulieh nan baitu, sakian sajo panyambahan, kato nan mintak dibunisi.
Jawab :
Alah sampai dek Datuak tu, kok di dangaan lah lah baiek bunyi, kok di pandang lah baiek rupo, lai dalam baieh jo balobeh, lai dilingkungan cupak jo gantang, nan sangko pikiran hati sayo itu cako, gayuang kok ka basambuik, kato kok indak kan bajawab, namun sekarang kini nangko, himbau nan lai basauti, karih nan lai banagari, lai rancak pulo tanyo sayo, agak sagirolah malah Datuk saketek, sift mananti malam sayo, sakian panyambahan, kato mintak dibunisi.
97
Jawab :
Alah sampai dek datuak tu, ...alah
Dek sayo lai nan marusuah nan manggamang, nan maragu dipikirkan, malah ruponyo, dek Datuak ka maliek surek nan takambang, ka mamaki kalam nan karencong, kok talambek datuak dalam itu, nan bak ibarat urang manabang kayu, dandam takanak kapak tibo, kayu ditabang indak rabah, kok talambek Datuak dalam itu, sakian sajo panyambahan, kato mintak dibunisi.
Jawab :
Alah sampai dek Datuak tu, ...lah
Sapanjang panyambahan Datuak tu, lai manuruik alua jo jalan, lai manuruik alua jo balobeh, tapi samantangpun baitu, nan bak pitatah Datuak juo, dek pipit bukon do saikua, dek jaguang bukannyo sabatang, dek karano kami lai baduo batigo, kami paio patidokan agak sabanta, sipat mananti juo malah datuak, nak kami sagirokan malah, alah kok sanang dihati datuak, sekian terima kasih.
Jawab:
Alhamdulillah, tarimo kasih. (terus dipersimpahkan kepada nan mananti). Persembahan antara alek dengan alek.
Maalah datuak sabalah kakian, kok buni lah samo kito danga, ko rupo lah samo kito liek, nan taserak katangah-tangah, nan tatakuak kamuko rapek, nan talimpah ka badan diri ambo surang, ko manuruik adat nan biaso, nan baico nan ba pakai, jikok bajalan ka nan tuo, jikok bakato ka nan pandai indak lai kini dek karano datuak lai disiko kakato kami sabaah kaniak, gayuang kan manyambuik, kato nan bajawab, bapulang sajo ka datuak sabalah kakian. Sakian sajo panyambahan, kato mintak dibunisi.
Jawab:
Alah sampai dakek datuak tu,...alah.
Dek sayo lai pulo nan marusuah ko ma datuak, bukannyo sayo takuik mati, bukan sagan kanai suruah, hanyo sabuah nan masrusuah, bak umpamo urang balaie, hari rancak angin pun datang, parahu maju maso itu, tibolah sayo tangah lauik, lauik sati rantau batuah, karamlah sayo dalam itu, tabanam lai basalami, tarapuang lai ka
98 bajapuik, itu dek sayo nan marusuah, sakian sajo panyambahan sayo pado Datuak, harap buni nan kambali.
Jawab:
Alah sampai dek sutan tu,...alah.
Dek sayo kato sutan nan sapatah tu, itu bana nan sayo nanti,
Dek sutan marusuah, kan bak umpamo urang balaie, tibolah sutan tangah lauik, karamlah sutan dalam itu. Tabanam sia manyalami, tarapuang sia kan manjapuik, kan baitu bana kato sutan tadi?...Bana
Baa to dek kami, asal lai kato bajawab, gayuang basambuik, nan kami simak kan malah dari balakang, alah kok sanang hati sutan, sakian sajo panyambahan.
Jawab:
Alhamdulillah hirabbil‟alamin, terima kasih. Untuk manerima persembahan makan minum tadi: Assalamu‟alaikum warahmatullahi wabarakatuh,
Sambah dianjuang tinggi-tinggi, sambah diambah gadang-gadang, maap dimintak ka nan banyak, salam tauunjuak di nan basamo, sambah tibo pada Datuak Malin Marajo, Adapun sambah dari sayo ini, sambah mukmin-mukmininah, sambah walina wazidana, sambah takzim jo takorim, sambah jala rajo jama, sambah nan limo pakaro:
Partamo - sambah rakaman
Kaduo - sambah rakuan
Katigo - sambah arab Kaampek - sambah a‟jam Kalimo - sambah malayu
Mako manyambah malah sayo di bawah kaharibaan ninik mmamak sayo, nan gadang basa batuah, nan arif bijaksano, nan cadiak tahu pandai, sarato imam dengan Khatib, sarato kitab jo ma‟mum, sarato dunsanak jo saudaro, jiko dikato Imam jo Khatib, suluah nan bendang dalam alam, palito a‟rah, a‟li dan A‟jam, Cahayo Makkahnyo jo Madinah, gando bagando, nilam manilam cayonyo kok sarupo cahayo manikam, itulah suluah nan amat terang, palito nan tiado padam, camin nan tido kabuah, itu pulo urang nan bulieh limpahan daripado Nabi kito Muhammad
99 SAW. Itulah urang nan mangatokan sarugo salapan pangkek, narako nan tujuah lampieh, tau pulo mambesokan Hukum nan tujuah, maa nyo hukum nan tujuah tu:
Partamo - Wajib Kaduo - Sunnat Katigo - Haram Keempat - Makruh Kelima - Harus Keenam - Asah Ketujuh - Batal
Dibilang – bilang nan banyak, dipulangkan pado nan aso, nan saisi tanah Maharajo Basa, tumbuah sarupo iko kini, dilahie lah samo nyato, di bathin samo manyarah pado Allah, dindang ditamping tareh, ditiang – tiang dadak diniru, dipilieh atah ciek – ciek, nan bak ibarat dikuncup bumi jo langik, dihimpunkan alam saisinyo, diambiak kato panghabisan panyambahan sayo tadi, sanan baa dek baitu, dek lah basuluah mato nan banyak, alah balanggang jo mato hari, namun sekarang kini nangko, baburu kapandai sikek, maka dapek ruso nan gadang, dapek saikua balang kaki, dipauik urang banu Hampu, adat bagaru balun dapek, adat barajo balun lai tau, diliek surek lah hilang, di jalang guru lah mati, kamano kan ditanyokan, putuihlah kaji sahinggo itu, namun baa to lai tukini, talatak pinggan di lapiek, sadudun galeh jo cawansamo baisi kasadonyo, kok nasi mintak dimakan, kok aie mintak diminum, kan baitu adat panyambahan Datuak tadi,...Bana
Nak haluih bak dindiang camin, nak data bak lantai papan, tabanglah dek datuak di Pangka nak kami salasaikan diujuangnyo, sakian panyambahan.
Jawab :
Alhamdulillah hirabil‟almien