y28:1 Katong di sini, Lukas yang tulis carita ini, Paulus, deng babarapa orang bui.
35Abis Paulus bilang bagitu, dia ambe roti la minta dangke par Allah di muka dong samua yang ada di kapal. Tarus, dia rabe-rabe roti tu la makang. 36Dong samua pung hati tamba kuat la makang lai. 37Waktu itu katong samua tu ada 276 orang. 38Katong samua makang sampe kanyang. Abis itu, anana bua kapal buang gandum-gandum ka lautang biar kapal tu ringan.
Kapal takandas 27:39-44
39Waktu su mulai tarang, anana bua kapal dapa lia pulo satu. Mar dong seng tau kalo itu pulo apa. Tarus, dong lia teluk yang ada pung pante bapaser. Jadi, dong mau coba kalo bisa kapal takandas di situ.
40Dong potong tali-tali jangkar la kasi biar akang tinggalang. Tarus, dong kasi turung kamudi biar kapal tarus bajalang. Abis itu, dong kasi nai layar di muka biar anging tiop kapal la bawa ka daratang. 41Mar kapal takandas di tanusang. Akang pung muka su seng bisa bagara lai. Akang pung bagiang balakang ancor tagal omba basar pukul.
42Waktu itu tantara-tantara mau bunu samua orang bui biar seng ada satu orang lai yang bisa lari deng cara barnang. 43Mar kapitang Yulius ni mau kasi salamat Paulus. Jadi, antua larang antua pung anana bua par biking macang bagitu. Antua parenta orang-orang yang tau barnang balumpa kamuka ka lautang la barnang ka daratang.
44Tarus, orang-orang yang seng tau barnang iko dari balakang pake papang-papang ka kayo panggal-panggal yang talapas dari kapal. Jadi, katong samua salamat sampe di daratang.
Paulus dong di Malta 28:1-6
28
1Waktu katong y sampe di pante deng salamat, katong baru tau kalo pante itu ada di pulo Malta. 2Orang-orang di pulo tu tarima katong samua deng bae-bae paskali. Waktu itu wer dinging deng ujang. Jadi, dong biking api basar biar katong seng dinging. 3Paulus bajalang kumpul kayo-kayo bakar la taru akang di dalang api. Waktu dia ada taru kayo-kayo bakar, skrek lai, ular babisa saekor kaluar dari dalang kayo bakar tagal seng kuat tahang panas. Tarus, ular tu gigi dia pung tangang la seng talapas. 4Waktu orang-orang Malta lia ular tu ada tagantongz28:7 Katong di sini, Lukas yang tulis carita ini, Paulus, deng babarapa orang bui.
a28:11 Katong di sini, Lukas yang tulis carita ini, Paulus, deng babarapa orang bui.
di Paulus pung tangang, dong laeng bilang par laeng kata, ”Dia ini ni batul-batul tukang bunu orang. Barang, biar kata dia su salamat lai di lautang, mar dewa parampuang yang jaga hukum orang seng kasi biar dia hidop.”
5Tarus, Paulus kabas ular tu ka dalang api. Dia seng rasa saki sadiki lai.
6La orang-orang tu pikir sa kalo Paulus ni pung tangang nanti bangka ka seng dia jatu la mati. Mar dong tunggu lama paskali la lia kalo Paulus ni ada bae-bae sa. Jadi, dong pung pikirang soal dia ni baroba. Dong bilang kalo dia tu dewa.
Paulus kasi bae orang-orang 28:7-10
7Seng jau dari pante yang katong z sampe tu ada gubernur yang pegang parenta pung tana-tana di situ. Gubernur tu nama Publius. Antua tarima katong deng bae-bae di antua pung ruma salama tiga hari. 8Waktu itu Publius ni pung bapa ada saki damang deng buang-buang aer. Paulus maso di antua pung kamar la sombayang deng taro tangang di atas antua. Oras itu jua, antua bae.
9Waktu orang-orang di pulo tu dapa tau kalo Publius pung bapa ni su bae, tarus orang-orang laeng yang saki di pulo tu mulai datang par Paulus la Paulus kasi bae dong lai. 10Dong paleng taru hormat par katong. La waktu katong mau balayar kombali, dong kasi par katong apapa yang katong parlu waktu balayar.
Paulus dong balayar ka Roma 28:11-15
11Katong a tinggal di pulo Malta tiga bulang la balayar kombali deng kapal satu yang datang dari kota Aleksandria. Kapal tu su balabu di Malta sampe abis musing omba. Di kapal tu pung muka ada patong dewa Seus pung ana bakambar. Dong bakambar tu pung nama Kastor deng Poluks.
12Katong balayar la balabu di kota Sirakusa. Katong tinggal di situ tiga hari. 13Dari situ katong balayar kombali la sampe di kota Regium. Eso hari bagini, anging batiop dari salatang. La akang pung eso hari lai katong sampe di kota Putioli. 14Di kota tu katong baku dapa deng YESUS PUNG UTUSANG-UTUSANG PUNG CARITA 28
basudara-basudara yang iko Yesus. Dong minta katong tinggal deng dong tuju hari. Abis itu, katong pi ka kota Roma. 15Basudara-basudara yang iko Yesus yang ada di Roma su dapa dengar kalo katong ada mau pi ka sana. Jadi, saparu dari dong datang cari katong sampe di Pasar Apius deng di tampa satu lai yang akang pung nama Tiga Tampa Tinggal par Sewa. Waktu Paulus lia dong, dia minta dangke par Allah la dia pung hati tamba kuat.
Paulus di Roma 28:16-31
16Waktu katong sampe di kota Roma, kapitang tantara kasi biar Paulus tinggal sandiri deng tantara satu yang jaga dia.
17Akang pung tiga hari bagini, Paulus panggel pamimping-pamimping Yahudi yang ada di kota tu par bakumpul. Waktu dong samua su bakumpul, Paulus bilang kata, ”Basudara-basudara e! Beta ni seng
Kirene Pasar Apius Regium Sirakusa Putioli Roma
( Tiga Tampa Tinggal par Sew a)
Paulus, Lukas, d eng orang- orang b ui pung j alang d ari pulo Kreta sampe d i kota Roma
Feniks KAUDA MALTA Lasea AKAYA LAO TENGA KRETA ITALIA MAKEDONIA LIBIA SISILIA LAO AD R I A
Paulus, Lukas, deng orang-orang bui pung jalang dari pulo Kreta sampe di kota Roma
28:19 Kis. 25:11 28:26-27 Yes. 6:9-10
malawang katong orang Yahudi deng katong pung tete nene moyang dong pung atorang. Mar orang Yahudi dong pi tangkap beta di kota Yerusalem la bawa beta ka pemerinta Roma. 18Waktu pemerinta Roma su abis kasi sidang beta, dong mau kasi lapas beta. Barang, beta ni seng biking sala apapa sampe dong musti hukum mati beta. 19Mar orang-orang Yahudi seng mau tarima kalo dong kasi lapas beta. Jadi, beta musti minta raja basar Roma yang urus beta pung parkara. Mar beta biking bagitu bukang par kasi sala katong pung basudara Yahudi. 20Tagal itu tu sampe beta minta baku dapa deng kamong par bicara. Beta mau kamong tau kalo beta dapa rante tagal apa yang beta parcaya soal Orang yang Allah su Angka par Kasi Salamat katong orang Israel. Beta parcaya macang deng samua orang Yahudi.”
21Tarus, pamimping-pamimping Yahudi ni bilang kata, ”Paulus e! Katong ni seng parna tarima surat sapanggal lai dari propinsi Yudea soal ale. La basudara-basudara yang datang dari sana jua seng parna carita ale pung sala par katong. 22Mar katong mau dengar dari ale pung mulu sandiri soal apa yang ale parcaya tu. Barang, katong su dengar kalo orang di mana-mana ada babanta orang Kresten.”
23Tarus, dong pili satu hari par baku dapa deng Paulus. Parsis akang hari tu, orang Yahudi paleng banya datang ka ruma yang Paulus tinggal. Dia ajar deng kasi tau par dong dari pagi sampe sore soal bagemana Allah parenta dunya ni. Dia coba buju dong par parcaya Yesus pake nats-nats yang ada di Tuhan pung kitab Torat yang Musa su tulis deng di Allah pung juru-juru bicara pung kitab. 24Saparu orang dari dong parcaya apa yang dia bilang, mar ada lai yang seng parcaya. 25Dong laeng deng laeng baku malawang sampe bubar dari situ. Mar waktu dong mau bubar, Paulus bilang par dong kata, ”Hoe basudara-basudara e! Apa yang kamong biking ni, akang pas deng apa yang Tuhan pung Roh su bilang par Antua pung juru bicara Yesaya dari dolo. Antua kasi kuasa par Yesaya la Yesaya bilang akang par katong pung tete nene moyang.
26 Antua bilang par Yesaya bagini,
’Ale musti pi kasi tau par orang-orang Yahudi kata,
”Kamong nanti dengar tarus apa yang Beta bilang, mar kamong seng mangarti akang.
Kamong nanti lia tarus apa yang Beta biking, mar kamong seng tau itu apa.”