Petrus bilang Tuhan pung pasang par Kornelius 10:17-33
17Waktu kaeng basar tu su nai ka langit kombali, Petrus ni tinggal bapikir dalang hati kata, ”Yang beta su lia tu, akang pung arti apa e?”
Waktu dia ada tinggal bapikir bagitu, tiga orang yang Kornelius suru tu su ada di Simong tukang biking kuli binatang pung muka ruma. 18Tarus, dong tiga panggel orang la tanya kata, ”Simong yang orang jaga panggel dia tu, Petrus, ada tinggal di ruma ni ka?”
19Mar Petrus ni tinggal kong bapikir tarus soal kaeng yang dia su lia tu, akang pung arti apa. Waktu dia ada masi bapikir, takajo bagini, Tuhan pung Roh bilang par dia kata, ”Petrus e! Tiga orang ada datang cari ale. 20Capat badiri la turung ka bawa. Jang pikir apapa lai. Pi
sama-sama sa deng dong. Barang, Beta sandiri yang suru dong tiga tu datang par ale.”
21Tarus, Petrus turung dari atas ruma tu la pi ka dong tiga. Dia bilang kata, ”Beta ni yang kamong cari. Kamong cari beta ni par apa la?”
22Dong bilang, ”Kapitang tantara Roma yang pung nama Kornelius suru katong datang par ale. Antua tu orang bae deng antua jua sombayang par Allah. Orang-orang Yahudi jua taru hormat par antua lai. La satu kali bagini, Tuhan pung malekat yang seng bardosa tu datang par antua la bilang antua musti panggel ale datang ka antua pung ruma, biar antua bisa dengar pasang yang ale mau bilang par antua.”
23Dengar bagitu, Petrus mau lai par pi sama-sama deng dong tiga tu. Mar tagal su malam, jadi Petrus bilang par dong kata, ”Su malam ni! Labe bae dong tiga maso la tinggal sama-sama deng beta.”
Akang pung eso hari, Petrus bangong la manyimpang. Tarus, dia pi sama-sama deng dong tiga tu deng basudara-basudara saparu yang parcaya Yesus yang iko dia dari kota Yope. 24Akang pung lusa bagini, dong su sampe di kota Kaisarea. Di kota tu, Kornelius deng dia pung basudara deng dia pung tamang-tamang dekat yang dia su panggel, ada dudu tunggu-tunggu Petrus dong. 25Bagitu Petrus dong mau maso ka dalang Kornelius pung ruma, Kornelius pi tarima Petrus deng bae-bae. Dia tikang lutu di Petrus pung muka kaki taru hormat par Petrus. 26Mar Petrus angka kasi badiri dia la bilang kata, ”Badiri! Beta ni manusia sama sa deng ale.”
27Tarus, dong dua bajalang sama-sama baku stori la maso ka Kornelius pung ruma. Bagitu Petrus maso ka Kornelius pung dalang ruma, dia lia bagini, banya orang su bakumpul. 28Tarus Petrus bilang kata, ”Kamong tau to? Par katong orang Yahudi ni pamali paskali kalo katong batamang deng orang-orang yang bukang orang Yahudi. Mar Allah su kasi unju par beta, kalo par Allah tu seng ada yang pamali. Jadi, beta seng bole bilang lai kalo yang macang bagitu tu pamali. 29Tagal itu, waktu kamong minta beta datang kamari, beta datang sa. Jadi, sakarang ni beta tanya kamong do. Coba kamong bilang par beta, kamong suru beta datang ka sini par apa?”
30Kornelius bilang, ”Petrus e! Ampa hari lalu to, kurang labe jam bagini, jam tiga sore. Beta ni ada sombayang di beta pung ruma, takajo bagini, Tuhan pung malekat datang la badiri di muka beta. Malekat tu pung baju mangkilat paskali. 31Malekat tu bilang kata, ’Kornelius e! Ale pung sombayang tu, Allah su dengar akang. Antua jua su lia apa yang YESUS PUNG UTUSANG-UTUSANG PUNG CARITA 10
g10:40 Orang Yahudi bilang tiga hari tagal dong rekeng hari pung bagiang. Mar Yesus mati hari jumat sore la hidop kombali hari minggu amper siang. Jadi orang Ambong bilang ”Akang pung lusa”.
10:34 Ul. 10:17
ale su biking par orang-orang kasiang. 32Jadi sakarang ni, ale suru satu dua orang pi ka kota Yope par panggel Simong yang orang jaga panggel dia tu Petrus par datang kamari. Dia tu, ada tinggal di Simong tukang biking binatang pung kuli pung ruma di pinggir pante.’ 33La dari oras itu jua, beta suru beta pung orang suru-suru pi panggel ale datang par beta. Tarus, ale datang deng hati bae kamari. La sakarang, katong samua su bakumpul di tampa ni. Allah jua ada sama-sama deng katong lai. Jadi, katong mau dengar apa yang Tuhan su suru ale musti bilang akang par katong samua.”
Petrus carita Kabar Bae soal Yesus par Kornelius dong 10:34-48
34Waktu Petrus masi ada di Kornelius pung ruma, dia bilang par dong samua kata, ”Sakarang ni beta batul-batul su tau kalo par Allah tu samua orang sama. 35Mar sapa sa yang taru hormat par Allah la dalang dia pung hidop batul-batul iko Allah pung mau deng biking akang lai, dia tu yang Allah tarima. Biar kata dia tu dari negri mana lai. 36Dong su tau to soal Kabar Bae yang Allah su bilang par orang-orang Israel. Kabar tu bilang kata orang nanti baku bae deng Allah kalo parcaya Yesus Kristus yang su jadi Tuhan par samua orang. 37Yohanis kasi tau kalo dong musti kasi tinggal dong pung dosa-dosa la kasi dong pung diri par sarani. Abis itu, orang-orang kasi tau Kabar Bae tu mulai dari propinsi Galilea sampe di sagala tampa di propinsi Yudea. Dong jua su tau to? 38Dong jua su tau to soal Yesus orang Nasaret tu, Allah su kasi Antua pung Roh deng kuasa basar par Yesus. Allah ada deng Antua tarus-tarus. Jadi, waktu Antua ada bajalang koliling tampa-tampa, Antua biking banya parkara yang bae par orang-orang. Antua jua user setang-setang dari orang-orang yang takana.
39Katong ni, Antua pung utusang-utusang. Katong su lia deng katong pung mata kapala sandiri samua parkara yang Antua su biking di orang-orang Yahudi pung negri deng di kota Yerusalem. Biar bagitu lai, orang-orang Yahudi tu mau sa par bunu Antua deng cara kasi salib.
40Bagitu akang pung tiga hari, g Allah kasi hidop Antua. Allah jua biking sampe orang bisa lia Antua. 41Mar seng samua orang bisa lia Antua,
cuma orang-orang yang macang katong ni sa yang Antua su pili dari kamuka lai. Katong ni yang makang minong sama-sama deng Antua waktu Antua hidop kombali. 42Antua jua suru katong kasi tau par orang-orang laeng kalo Allah su angka Antua jadi hakim par orang-orang yang hidop deng mati. 43Allah pung juru-juru bicara samua su kasi tau soal Antua tu. Dong bilang kata, ’Sapa sa yang parcaya Orang yang Allah su Angka par Kasi Salamat Manusia, Tuhan nanti kasi ampong dong pung dosa-dosa tagal Antua pung kuasa.’ ”
44Waktu Petrus ada bilang bagitu, takajo bagini, Tuhan pung Roh maso ka dalang samua orang yang ada dengar Petrus bicara. 45Tarus, orang-orang Yahudi yang parcaya Yesus yang ada iko Petrus dari kota Yope tu herang lai, tagal dong lia Tuhan kasi Antua pung Roh lai par orang-orang yang bukang Yahudi. 46Barang, dong dengar orang-orang laeng tu bicara deng puji-puji Allah pake macang-macang bahasa yang dong sandiri seng mangarti akang. Tarus, Petrus bilang par dong kata,
47”Coba lia do! Kornelius deng dia pung orang-orang su tarima Tuhan pung Roh macang deng katong lai. Jadi, seng ada satu orang lai yang bisa larang katong par kasi sarani dong to?”
48Tarus Petrus bilang kata, ”Kasi dong pung diri la beta kasi sarani dong par kasi unju kalo dong su parcaya Yesus Kristus.”
Abis itu, Kornelius dong bilang, ”Tinggal do sama-sama deng katong barang dua tiga hari bagitu.”
Simong Petrus bilang mangapa sampe dia kasi sarani orang-orang yang bukang Yahudi
11:1-18
11
1Yesus pung utusang-utusang deng basudara-basudara yang iko Antua di propinsi Yudea dengar kata orang-orang yang bukang Yahudi su tarima Allah pung ajarang lai.2Jadi, waktu Petrus sampe di kota Yerusalem, orang-orang Yahudi yang parcaya Yesus baku malawang deng dia. 3Dong bilang kata, ”Mangapa ale pi ka orang-orang yang bukang Yahudi pung ruma la dudu makang deng dong?”
4Tarus, Petrus mulai carita par dong soal samua-samua dari partama sampe abis. Dia bilang, 5”Satu kali bagini, waktu beta ada sombayang di kota Yope, skrek bagini, Tuhan kasi unju apapa satu par beta. Akang macang deng kaeng basar satu. Kaeng tu turung dari langit deng akang pung ujung-ujung tagantong. Akang turung dari langit sampe di beta YESUS PUNG UTUSANG-UTUSANG PUNG CARITA 10 , 11
11:16 Kis. 1:5
pung muka. 6Beta lia bagini, di dalang kaeng basar tu ada sagala macang binatang. Ada yang pung kaki ampa, ada yang liar, ada yang maraya, deng burung-burung. 7Tarus, beta bale dengar ada suara yang bilang par beta kata, ’Petrus e! Bangong, potong akang la makang.’
8Mar beta bilang, ’Seng bisa Tuhan! Beta seng parna makang makanang yang pamali.’
9Mar suara tu bale bilang, ’Apa yang Allah bilang bisa makang, jang ale bilang kata itu pamali.’
10Samua itu jadi sampe tiga kali, baru akang bale kombali ka langit.
11Skrek bagini, tiga orang dari kota Kaisarea su ada di muka ruma yang katong tinggal. Dong tu dapa suru par cari beta. 12Tarus, Tuhan pung Roh bilang par beta kata, ’Jang pikir apapa lai, pi sa deng dong.’ La dong basudara anam yang iko Yesus ni pi lai deng beta ka Kaisarea. Bagitu sampe di Kaisarea, katong maso ka orang satu pung ruma. Orang tu pung nama Kornelius. 13Tarus, Kornelius bilang par katong kata, ’Malekat satu datang kasi unju rupa par beta di dalang beta pung ruma.
Malekat tu bilang kata, ”Ale suru orang pi ka kota Yope par panggel laki-laki satu yang pung nama Simong yang orang jaga panggel dia Petrus. 14Dia tu nanti kasi tau par ale kabar satu yang biking ale deng samua orang yang ada di dalang ruma ni salamat.” ’
15Bagitu beta baru mulai bicara, skrek lai, Tuhan pung Roh maso ka dalang dong samua. Akang macang deng yang Antua su biking par katong dolo-dolo tu. 16Tarus, beta inga apa yang Tuhan su parna bilang kata, ’Yohanis tukang sarani kasi sarani orang pake aer. Mar Tuhan nanti kasi Antua pung Roh par kamong.’ 17Jadi akang batul. Allah kasi Antua pung Roh par orang-orang yang bukang Yahudi lai. Akang macang deng yang waktu dolo-dolo Antua kasi par katong waktu katong mulai parcaya Tuhan Yesus Kristus. Jadi, bagemana beta mau larang Allah?”
18Waktu orang-orang Yahudi dengar Petrus bilang bagitu, dong su seng bisa bilang apapa lai. Tarus dong puji-puji Allah. Dong bilang, ”Jadi, sakarang orang-orang yang bukang Yahudi jua, Allah buka jalang par dong biar dong kasi tinggal dong pung dosa-dosa la dong bisa hidop deng Antua.”
11:19 Kis. 8:1-4 11:28 Kis. 21:10
Barnabas deng Saulus pi ka Antiokia 11:19-30
19Abis bunu Stepanus, orang-orang Yahudi siksa basudara-basudara yang iko Yesus sampe dong samua talamburang ka sagala tampa.
Saparu orang dari dong lari sampe ka daera Fenisia, pulo Siprus, deng kota Antiokia. Dong yang talamburang tu jua kasi tau Kabar Bae soal Yesus, mar cuma par orang-orang Yahudi sa. 20Mar dari basudara-basudara yang iko Yesus tu, saparu orang dari Siprus deng kota Kirene. Dong jua pi ka Antiokia par kasi tau Kabar Bae soal Tuhan Yesus par orang-orang yang bukang Yahudi lai. 21Tuhan pung kuasa ada sama-sama deng dong sampe orang banya parcaya apa yang dong bilang la iko Tuhan Yesus.
22Orang-orang yang parcaya Yesus di kota Yerusalem dapa dengar carita kalo orang-orang yang bukang Yahudi su parcaya Yesus. Jadi, dong suru Barnabas pi ka Antiokia. 23-24Barnabas ni pung hati bae. Tuhan pung Roh kasi kuasa par dia. Dia jua batul-batul parcaya Yesus
sampe orang banya jadi parcaya Tuhan Yesus. Waktu Barnabas sampe di Antiokia, dia lia bagemana Allah kasi berkat basar par orang-orang di tampa tu sampe dong bisa parcaya Yesus. Jadi, dia pung hati paleng sanang. Tarus, dia kasi nasehat par dong biar dong tarus parcaya Tuhan deng hati anteru-anteru.
25Abis itu, Barnabas pi ka kota Tarsus par cari Saulus. Waktu dia baku dapa Saulus, dia bawa Saulus ka Antiokia. 26Dong dua bakumpul deng orang-orang yang parcaya Yesus deng kasi balajar orang banya sampe satu taong. Di Antiokia tu, orang-orang baru partama kali bilang kalo orang-orang yang iko Yesus tu, orang Kresten.
27Waktu itu tu jua, Allah pung juru-juru bicara saparu dari Yerusalem datang ka Antiokia. 28La satu orang dari dong juru-juru bicara tu pung nama Agabus. Dia badiri tagal Tuhan pung Roh kasi kuasa par dia la bilang kata, ”Samua orang yang ada di dunya ni, nanti paleng susa par dapa makanang.” (Akang jadi waktu Klaudius pegang parenta.)
29Jadi, Yesus pung anana bua baku ator par kumpul kepeng iko dong pung mampu sa la kiring akang par dong pung basudara-basudara yang iko Yesus di propinsi Yudea. 30Abis dong samua kumpul kepeng, dong suru Barnabas deng Saulus pi bawa akang par majalis yang ada di tampa tu. YESUS PUNG UTUSANG-UTUSANG PUNG CARITA 11
h12:3 Hari raya ini, akang bajalang tuju hari pas di hari raya makang Paska. Orang Yahudi inga waktu itu dong pung tete nene moyang pi kasi tinggal negri Mesir. La
dong kasi nama hari raya ini ”Roti Seng Pake Ragi”. Barang, waktu dong pung tete nene moyang pi lari kasi tinggal Mesir, dong su seng tunggu sampe dong pung roti nai.
Malekat kasi kaluar Petrus dari bui 12:1-19
12
1Waktu Barnabas deng Saulus pi ka kota Yerusalem, raja Herodes suru orang par tangkap orang-orang yang parcaya Yesus la siksa dong. 2Dia jua parenta dong bunu Yakobis deng sangkur. Yakobis ni, Yohanis pung sudara. 3Bagitu dia tau kalo samua yang dia su biking tu, akang biking orang-orang Yahudi dong pung hati sanang, dia bale biking macang bagitu lai la suru orang-orang par tangkap Petrus. Dong tangkap Petrus pas di waktu orang Yahudi pung hari raya Roti Seng Pake Ragi. h4Abis dong tangkap Petrus, dong kasi maso dia ka dalang bui. Herodes
12:4 Kel. 12:1-27
suru tantara ampa kalompok baku ganti par jaga dia. Satu kalompok ampa-ampa orang. Bagitu orang Yahudi dong pung hari raya Paska abis, baru antua mau kasi sidang dia di muka orang banya. 5Jadi Petrus maso bui. Mar orang-orang yang parcaya Yesus tinggal kong sombayang tarus-tarus par Allah biar Antua jaga Petrus.
6Waktu akang pung malam par eso ni Herodes mau kasi sidang Petrus di muka orang banya, Petrus ni tidor di tenga-tenga tantara dua orang. Dong rante dia sama-sama deng tantara dua tu. Satu di dia pung sabala kanang la satu lai di dia pung sabala kiri. La tantara-tantara laeng jaga di muka pintu bui. 7Takajo bagini, Tuhan pung malekat satu badiri dekat Petrus sampe dalang bui tu tarang paskali. Malekat tu kore Petrus kasi bangong dia la bilang kata, ”Petrus e! Capat bangong.”
Oras itu jua, rante-rante yang taika di Petrus pung tangang tu talapas.
8Tarus, malekat tu bilang par dia kata, ”Pake ale pung baju deng sandal tu!”
Tarus, Petrus iko apa yang malekat su bilang. Malekat tu bale bilang par Petrus kata, ”Pake ale pung baju panjang luar tu la iko beta!”
9Tarus, Petrus kaluar dari bui tu la bajalang iko malekat. Mar dia seng tau kalo yang malekat ada biking par dia tu, akang batul-batul jadi. Barang, dia kira Tuhan ada kasi unju apapa par dia. 10Petrus deng malekat bajalang langgar pos satu deng pos dua yang tantara ada jaga. Tarus, dong sampe di pintu besi basar satu. Pintu tu baku tangada muka
deng kota. Takajo bagini, pintu tu tabuka sandiri. Jadi, dong dua kaluar dari dalang bui tu la bajalang sampe ka ujung lorong. Waktu dong dua ada bajalang, skrek lai, malekat su pi kasi tinggal Petrus.
11Abis malekat pi kasi tinggal dia baru dia sadar. Dia bilang, ”Sakarang ni, beta batul-batul tau kalo Tuhan su suru Antua pung malekat datang par kasi salamat beta dari Herodes yang pung kuasa. Antua jua kasi salamat beta dari samua yang orang-orang Yahudi dong mau Herodes biking par beta.”
12Waktu dia su abis bapikir bagitu, dia pi ka Maria pung ruma. Maria ni, Yohanis pung mama. Yohanis ni dong jaga panggel dia Markus. Di tampa tu jua, orang banya su bakumpul par sombayang. 13La waktu Petrus sampe, dia toki pintu pagar. Tarus, parampuang suru-suru satu datang par mau buka pintu pagar. Parampuang tu pung nama Rode.
14Waktu parampuang tu tau kalo itu Petrus pung suara, dia sanang YESUS PUNG UTUSANG-UTUSANG PUNG CARITA 12
paskali sampe seng buka pintu lai. Dia bale maso ka dalang ruma la bilang par orang-orang yang ada di dalang ruma tu kata, ”Hoe! Petrus to ada di luar.”
15Dong bilang, ”Ose katangisang kapa?”
Mar parampuang tu bale bilang tarus kata, ”He, batul e! Petrus tu, ada di luar. Dia ada di pintu pagar.”
Dong bale bilang lai kata, ”Se sala kapa? Mangkali itu malekat yang jaga Petrus ada datang par kasi tau katong kalo Petrus su mati.”
16Mar Petrus tinggal kong toki-toki pintu pagar di luar tarus. Waktu dong buka pintu, dong lia dia, dong taherang-herang. 17Tarus, Petrus taru jari satu di dia pung mulu par kasi kode biar dong samua tado. Abis itu, dia carita par dong bagemana Tuhan tolong dia kaluar dari bui. Dia bilang, ”Kamong pi kasi tau lai par Yakobis deng katong pung basudara laeng yang iko Yesus.”
Abis itu, Petrus kaluar la pi ka tampa laeng.
18Akang pung eso pagi bagini, tantara-tantara yang jaga Petrus ni baribot paskali. Dong baku tanya kata, ”Petrus ni ada di mana e?”
19Tarus, Herodes suru orang-orang par pi cari Petrus. Mar dong seng baku dapa dia. Jadi, Herodes tanya ulang-ulang par tantara-tantara yang jaga Petrus tu. Mar dong seng tau apapa, jadi dia suru orang bunu dong. Abis itu, Herodes pi dari propinsi Yudea la tinggal di kota Kaisarea.
Herodes mati 12:20-25
20Raja Herodes paleng mara paskali deng orang dari kota Tirus deng kota Sidon. Tagal itu, dong samua bakumpul la pili dong pung utusang saparu par pi ka kota Kaisarea par mau baku dapa deng raja Herodes. Waktu sampe, dong kamuka pi buju Blastus dolo. Blastus ni, orang basar
satu yang ator Herodes pung istana. Herodes paleng parcaya dia. Dong minta dia nanti tolong dong waktu bicara deng Herodes par minta baku bae. Dong mau baku bae deng Herodes, barang dong pung negri-negri