kasi tau par antua soal bagemana orang bisa hidop iko Allah pung mau deng bisa jaga diri biar jang biking dosa. Paulus kasi tau par antua kalo Tuhan nanti hukum samua orang. Dengar bagitu, antua takotang mau mati. Jadi antua bilang kata, ”Paulus e! Sampe jua la pi suda. Nanti laeng kali kalo beta ada waktu, beta panggel ale kombali.”
26Waktu itu gubernur Feliks mau sa kalo Paulus nanti kasi kepeng par antua biar antua kasi lapas dia. Jadi, antua jaga suru orang panggel Paulus la dudu carita lama-lama deng dia.
27Abis dua taong, gubernur Feliks su seng jadi gubernur lai. Perkius Festus yang ganti antua. Mar tagal Feliks mau biking orang-orang Yahudi pung hati sanang, antua kasi biar Paulus tarus sa di dalang
bui.
Gubernur Festus kasi sidang Paulus di muka orang-orang Yahudi 25:1-12
25
1Waktu gubernur Festus sampe di propinsi Yudea, akang pung tiga hari, antua pi dari kota Kaisarea ka kota Yerusalem. 2Di kota itu orang Yahudi pung imam-imam kapala deng orang-orang basar pi kasi tau par antua soal Paulus pung sala. 3Dong su baku skongkol par nanti mau bunu Paulus di tenga jalang, jadi dong minta antua pung hati bae par suru orang bale bawa Paulus ka Yerusalem. 4Mar gubernur Festus bilang par dong kata, ”Paulus ni ada takurung di Kaisarea. Seng lama lai beta sandiri mau bale kombali ka Kaisarea. 5Jadi, labe bae kamong kiring babarapa orang basar dari kamong par pi sama-sama iko beta ka Kaisarea. La kalo Paulus tu batul-batul ada pung sala, kamong bisa bawa dia par sidang di situ.”6Gubernur Festus tinggal di Yerusalem kurang labe dalapang sampe sapulu hari. Abis itu, antua bale ka Kaisarea.
Waktu antua sampe di Kaisarea, akang pung eso bagini, antua pi di tampa sidang la suru orang-orang bawa Paulus ka tampa sidang. 7Waktu Paulus sampe, orang-orang Yahudi yang datang dari Yerusalem badiri ron dia la mulai tudu dia deng macang-macang kajahatang yang barat. Mar dong yang tudu-tudu dia tu seng ada pung bukti apapa.
8Tarus, Paulus bela dia pung diri. Dia bilang bagini, ”Bapa gubernur, beta ni seng pung sala apapa. Beta seng parna malawang Tuhan pung kitab Torat yang Musa su tulis. Beta seng biking apapa di orang Yahudi pung Tampa Sombayang Pusat. Beta jua seng malawang raja basar Roma.”
u25:13 Raja Agripa ni, raja Herodes pung ana. Dia pegang parenta di propinsi Abilena, Galilea, Iturea, deng Trakonitis.
9Mar gubernur Festus ni mau cari muka par orang-orang Yahudi. Jadi, antua bilang par Paulus kata, ”Paulus e! Ale mau pi ka seng ka Yerusalem par urus ale pung parkara di sana di muka beta?”
10Paulus bilang, ”Bapa e! Sakarang ni beta ada badiri di muka sidang pemerinta raja basar Roma. Beta ni orang Roma. Jadi, dong musti kasi sidang beta di Kaisarea ni bukang di Yerusalem. Bapa sandiri batul-batul su tau kalo beta seng biking sala apapa par orang-orang Yahudi. 11Jadi, kalo beta ni batul-batul ada pung kajahatang yang pantas par pemerinta Roma kasi hukum mati, beta siap mati. Mar kalo apa yang orang-orang Yahudi su tudu par beta tu seng batul, seng ada orang yang pung hak par kasi beta par orang-orang Yahudi. Beta minta raja basar Roma yang urus beta pung parkara.”
12Tarus, gubernur Festus baku tukar pikirang deng orang-orang yang kasi nasehat par antua. Abis itu, antua bilang par Paulus kata, ”Ale su minta raja basar Roma yang urus ale pung parkara, jadi ale pi jua par antua.”
Gubernur Festus carita soal Paulus par raja Agripa 25:13-22
13Akang pung babarapa hari, raja Agripa u datang ka kota Kaisarea. Antua datang sama-sama deng antua pung ade parampuang. Ade parampuang tu nama Bernike. Dong dua datang par kasi salamat bapa Festus yang baru jadi gubernur. 14Antua deng Bernike tinggal sadiki lama di kota tu.
Satu kali bagini, gubernur Festus carita soal Paulus pung parkara par raja Agripa kata, ”Bapa e! Waktu gubernur Feliks masi pegang parenta di sini, antua ada kasi tinggal orang bui satu. Orang tu nama Paulus.
15La waktu beta ada di kota Yerusalem, orang Yahudi pung imam-imam kapala deng pamimping-pamimping datang kasi tau Paulus pung sala par beta. Dong minta beta hukum dia.
16Mar beta bilang par dong bagini, ’Kalo iko katong orang Roma pung atorang, katong musti bawa dia di muka orang-orang yang ada biking parkara deng dia di tampa sidang biar dia bisa bela dia pung diri di muka dong. Kalo katong su biking macang bagitu baru katong bisa hukum dia.’ 17Jadi, waktu dong sampe di Kaisarea deng beta, beta seng YESUS PUNG UTUSANG-UTUSANG PUNG CARITA 25
tunda-tunda lai par kasi sidang Paulus. Akang pung eso hari, beta suru orang bawa Paulus ka tampa sidang par beta kasi sidang dia. 18Mar waktu orang-orang yang biking parkara deng dia badiri kasi tau dia pung sala, dong seng bilang dia pung sala basar macang yang beta ada pikir akang. 19Dong cuma baku malawang deng dia soal dong pung ajarang agama deng soal Orang Satu. Orang Satu tu Yesus. Yesus tu su mati, mar Paulus baku malawang hebat deng dong kalo Antua tu su hidop kombali. 20Tarus, beta bingong seng tau mau urus akang bagemana. Jadi, beta tanya dia mau pi ka seng deng beta ka Yerusalem par urus dia pung parkara. 21Mar dia seng mau. Mala dia minta beta tahang dia tarus sampe raja basar Roma urus dia pung parkara. Tagal itu tu, beta suru orang-orang par tahang dia sampe beta bisa bawa dia ka raja basar Roma.”
22Tarus, raja Agripa bilang par gubernur Festus kata, ”Beta mau dengar dia bicara lai.”
Gubernur Festus bilang, ”Eso hari bapa bisa dengar dia bicara.” Gubernur Festus kasi tau raja Agripa soal Paulus
25:23-27
23Akang pung eso hari bagini, raja Agripa deng Bernike datang pake pakiang raja biar samua taru hormat par dong dua. Dong dua maso ka dalang ruangang basar satu sama-sama deng komandan-komandan tantara deng orang-orang basar yang ada di kota itu. Abis dong maso, Festus suru orang-orang bawa maso Paulus ka ruangang itu. 24Waktu Paulus su ada, gubernur Festus bilang kata, ”Bapa raja Agripa deng samua orang yang beta hormat. Lia dia ni! Samua orang Yahudi su kasi sala dia. Dong yang kasi sala dia tu, orang-orang Yahudi yang ada di kota Kaisarea deng di kota Yerusalem. Dong bataria-bataria par beta kalo dia seng pantas par hidop. 25Mar beta sondor dapa dia pung sala sadiki lai yang pantas par beta musti hukum mati dia. Dia su minta raja basar Roma yang urus dia pung parkara. Jadi, beta nanti suru orang bawa dia par raja basar di Roma. 26Mar beta seng tau mau tulis apa soal dia pung parkara par raja basar Roma. Tagal itu, beta ada bawa dia kamari di muka kamong samua, labe-labe lai di muka bapa raja Agripa yang beta hormat biar katong bisa cari tau dia pung sala. Abis itu, baru beta bisa tau apa yang beta musti tulis dalang surat ini. 27Barang, beta pikir kalo katong mau kiring orang bui satu, katong musti tulis dia pung sala lai dalang surat la antar akang sama-sama deng dia.”
v26:5 Farisi ni satu dari babarapa kumpulang agama Yahudi. Dong tu paleng karas pegang orang Yahudi pung atorang-atorang adat.
26:4-11 Kis. 22:3-5 26:5 Kis. 23:6; Flp. 3:5 26:9-11 Kis. 8:3 Paulus bela dia pung diri di muka raja Agripa
26:1-32
26
1Raja Agripa bilang par Paulus kata, ”Paulus e! Sakarang beta kasi waktu par se bela se pung diri.”Abis raja Agripa bilang bagitu, Paulus kasi kode deng tangang la mulai bela dia pung diri. Dia bilang, 2”Bapa raja Agripa yang beta hormat. Hari ini beta baruntung paskali. Barang, beta bisa bela beta pung diri di muka bapa soal samua parkara yang orang Yahudi dong su tudu par beta. 3Beta labe baruntung lai tagal bapa batul-batul tau soal katong orang Yahudi pung atorang adat deng parkara-parkara. Jadi, beta minta bapa deng sabar dengar apa yang beta mau bilang ni.
4Samua orang Yahudi su tau beta pung hidop ni batul dari beta masi nyong-nyong waktu tinggal di kota Tarsus. Labe-labe lai par dong yang tinggal di kota Yerusalem. 5Dong tu su lama paskali kanal beta. Jadi kalo dong mau, dong bisa kasi tau kalo beta ni orang dari kumpulang Farisi v yang iko dong pung samua atorang agama yang karas paskali dari katong pung agama. 6Sakarang beta badiri di sini par dong kasi sidang beta, tagal beta parcaya soal janji yang Allah su bilang par katong pung tete nene moyang. 7Janji tu dua balas suku di Israel ada tunggu-tunggu akang. Dong sombayang siang malam par nanti akang.
Bapa raja Agripa yang beta hormat. Tagal beta parcaya akang janji tu sampe orang-orang Yahudi su tudu beta.
8Sio orang-orang Yahudi e, mangapa kong kamong seng parcaya kalo Allah bisa kasi hidop orang mati?
9Dolo-dolo beta pikir kalo beta musti biking apapa yang jahat par orang-orang yang parcaya Yesus, Orang dari kota Nasaret. 10Itu yang beta biking di Yerusalem. Waktu itu beta dapa surat kuasa dari orang Yahudi pung imam-imam kapala biar beta bisa kasi maso Yesus pung orang-orang ka dalang bui. Beta setuju waktu orang-orang kasi hukum mati dong. 11Beta jaga siksa dong di orang Yahudi pung tampa-tampa sombayang deng paksa dong par jang parcaya Yesus. Beta paleng jumawa paskali par dong sampe beta jaga cari dong di kota-kota deng negri-negri yang jau par siksa dong.