26:12-18 Kis. 9:1-19a, 22:6-16 26:20 Kis. 9:20, 28-29
12Satu kali bagini, beta pi ka kota Damsik. Waktu beta pi, beta ada bawa surat yang orang Yahudi pung imam-imam kapala su kasi par beta biar beta bisa hukum orang-orang yang parcaya Yesus. 13Mar bapa raja Agripa e! Waktu beta deng tamang-tamang ada bajalang pi ka Damsik par tenga hari bagitu, skrek lai, di tenga jalang, sinar puti paleng tarang dari langit koliling katong. Akang pung tarang tu labe lai dari matahari pung tarang. 14Oras itu jua, katong samua jatu ka tana. Tarus, beta dengar ada suara satu yang pake bahasa Ibrani bilang par beta kata, ’Saulus, Saulus e! Mangapa ale siksa Beta la? Kalo ale tarus malawang
Beta, ale pung Tuhan, ale nanti susa.’
15Mar beta bilang, ’Tuhan e! Tuhan tu sapa?’
Tuhan bilang, ’Beta ni Yesus yang ale siksa tu. 16Badiri suda. Beta datang kasi unju rupa par ale tagal beta mau ale jadi Beta pung orang karja. Ale nanti jadi saksi par kasi tau samua yang Beta su kasi unju deng yang nanti Beta kasi unju par ale. 17Beta nanti jaga ale dari orang-orang Yahudi deng orang-orang yang bukang Yahudi yang mau biking susa ale. Beta nanti suru ale pi par dong 18par buka dong pung hati deng pikirang biar dong kasi tinggal dong pung dosa-dosa. La setang-setang pung bos seng parenta dong lai. Akang macang deng orang yang dari tampa galap pi ka tampa tarang. Ale biking dong macang bagitu biar Beta kasi ampong dong pung dosa-dosa. Tarus, dong jadi Beta pung orang-orang la bagabung deng orang laeng yang Beta su pili par jadi Beta pung orang tagal parcaya Beta.’
19Jadi Bapa raja Agripa e! Beta biking iko apa yang Yesus su bilang par beta waktu Antua kasi unju diri. 20Beta pi kasi tau kamuka par orang-orang yang ada di Damsik kalo dong musti kasi tinggal dong pung dosa-dosa, parcaya Allah, la kasi unju akang dalang dong pung hidop. Abis itu, beta pi kasi tau akang par orang-orang di Yerusalem deng di samua propinsi Yudea. Tarus, beta pi kasi tau akang lai par orang-orang yang bukang Yahudi. 21La tagal beta kasi tau bagitu sampe orang-orang Yahudi tangkap beta di dong pung Tampa Sombayang Pusat pung kintal la coba bunu beta. 22Mar Allah tolong beta sampe oras tadi ni. Jadi, beta bisa badiri di sini par jadi saksi par samua orang kacil deng basar soal Yesus. La samua yang beta ada kasi tau ni Allah pung juru-juru bicara deng Musa su bilang akang. 23Dong bilang kalo Orang yang Allah su Angka par Kasi Salamat Manusia musti sangsara dolo la mati. Mar Antua
Orang partama yang Allah kasi hidop kombali biar Antua kasi tau Kabar Bae par orang-orang Yahudi deng orang-orang yang bukang Yahudi la dong salamat.”
24Waktu Paulus masi bela dia pung diri, gubernur Festus tabaos basar-basar kata, ”Paulus e! Se su gila ka? Se balajar su talalu banya sampe akang biking se gila!”
25Mar Paulus bilang, ”Bapa Festus yang beta hormat. Beta seng gila par bicara yang seng maso-maso akal. Apa yang beta bilang ni, akang batul. Beta seng karang-karang. 26Beta tau kalo bapa raja Agripa su tau lai soal samua ini. Barang, soal bagemana Yesus mati la hidop kombali tu orang banya su tau akang. Seng ada satu lai yang bapa raja Agripa YESUS PUNG UTUSANG-UTUSANG PUNG CARITA 26
w27:2 Katong di sini, Lukas yang tulis carita ini, Paulus, deng babarapa orang bui. seng tau. Jadi, beta barani bilang akang samua-samua di muka bapa raja Agripa.
27Bapa raja Agripa yang beta hormat. Bapa parcaya ka seng apa yang Allah pung juru-juru bicara su bilang? Beta tau kalo bapa parcaya to?”
28Bapa raja Agripa bilang, ”Paulus e! Se kira gampang par biking beta jadi Kresten ka?”
29Paulus bilang, ”Beta nanti sombayang par Allah biar dalang waktu capat ka lama, bapa deng samua orang yang ada dengar beta bicara ni jadi parcaya Yesus macang deng beta lai. Mar jang jadi orang bui macang deng beta bagini.”
30Abis Paulus bilang bagitu, raja Agripa, gubernur Festus, Bernike, deng samua orang basar yang ada di tampa tu badiri la bajalang kaluar.
31Sampe di luar, dong laeng bilang par laeng kata, ”Orang ini ni sondor biking apapa satu lai yang pantas par katong hukum mati ka kasi maso dalang bui.”
32Tarus, raja Agripa bilang par gubernur Festus kata, ”Festus e, kalo dia seng minta raja basar Roma urus dia pung parkara, dia su bisa bebas sakarang ni.”
Paulus pi ka Roma 27:1-12
27
1Gubernur Festus ambe kaputusang kiring Paulus dengbabarapa orang bui par raja basar di propinsi Italia. Antua suru kapitang tantara satu jaga Paulus dong. Kapitang tantara tu nama Yulius. Dia jadi kapitang tantara dari pasukan satu yang akang pung nama Pasukan Raja Basar. 2Katong w nai kapal satu yang datang dari kota Adramitium. Akang mau balayar koliling pelabuhan-pelabuhan yang ada di propinsi Asia. Jadi, katong balayar sama-sama deng akang. Waktu itu, ada orang propinsi Makedonia satu lai yang pi sama-sama deng katong. Dia asal dari kota Tesalonika. Dia nama Aristarkus.
3Eso hari bagini, katong sampe di kota Sidon. Bapa Yulius biking Paulus deng bae-bae. Antua kasi biar Paulus pi lia dia pung tamang-tamang biar dong kasi apapa yang dia parlu. 4Dari situ katong balayar kombali. Mar tagal anging dari muka batiop talalu kancang, jadi kapal balayar langgar pante yang ada di pulo Siprus
biar pulo tu pele katong dari anging. 5Abis itu, katong balayar langgar propinsi Kilikia deng propinsi Pamfilia la sampe di kota Mira. Mira ni kota satu yang ada di propinsi Likia. 6Di situ kapitang tantara Yulius dapa kapal satu yang datang dari kota Aleksandria yang mau balayar ka Italia. Jadi, antua suru katong samua nai
kapal itu.
7Kapal ni bajalang paleng paleu paskali. Jadi, katong balayar bahari-hari deng satenga mati baru sampe di dekat kota Kanidus. Mar tagal anging tarus kancang, jadi katong putar haluang la balayar hasa-hasa pante yang ada di pulo Kreta langgar tanjong satu. Tanjong tu nama Salmone. 8Katong balayar toma omba anging di pulo tu la sampe di tampa satu. Tampa tu nama Pelabuhan Bagus. Akang dekat deng kota Lasea.
9Katong balayar su talalu lama, jadi waktu katong sampe di situ su mulai musing omba. Musing omba jaga mulai waktu orang Yahudi dong YESUS PUNG UTUSANG-UTUSANG PUNG CARITA 27
Paulus, Lukas, d eng orang- orang b ui pung j alang d ari kota Kaisarea ka kota Lasea
Kaisarea Mira Sid on Lasea LAO TENGA YUDEA SIPRUS KRETA ASIA KILIKI A MAKEDONIA U PAMFILIA Aleksand ria LIKIA Kanid us Salmone Feniks
Paulus, Lukas, deng orang-orang bui pung jalang dari kota Kaisarea ka kota Lasea
x27:9 Orang Yahudi pung hari raya puasa tu paleng penting par dong. Hari itu, dong puasa deng Imam Basar potong binatang-binatang par jadi korbang biar Tuhan ampong dong pung dosa-dosa.
pung hari raya puasa su abis. x Jadi, waktu itu wer seng bae par balayar. Tagal itu, Paulus kasi inga dong kata, 10”Basudara e! Beta pikir kalo katong balayar tarus, katong nanti bisa susa deng cilaka. Bukang cuma kapal deng barang-barang sa yang tinggalang deng ilang, mar katong samua jua bisa mati.”
11Mar kapitang Yulius seng parcaya apa yang Paulus bilang. Antua labe parcaya par orang yang bawa kapal deng orang yang pung kapal.
12Pelabuhan di situ memang seng bagus par kapal-kapal kalo tarus balabu waktu musing omba. Jadi, banya dari katong yang mau sa balayar sampe ka kota Feniks la tinggal di kota itu sampe musing omba abis. Feniks tu pulo Kreta pung pelabuhan yang paleng bae. Barang, akang baku tangada muka deng sabala barat daya deng barat lao. Jadi, pelabuhan di Feniks bebas dari omba basar.
Anging ribot hantam Paulus dong pung kapal 27:13-38
13Waktu anging sibu-sibu batiop dari sabala salatang, anana bua kapal pikir kalo dong su bisa balayar ka kota Feniks. Jadi, dong angka jangkar la balayar hasa-hasa pante yang ada di pulo Kreta.
14-15Mar seng lama bagini, anging ribot datang dari sabala Kreta la hantam kapal ni. Anging tu, orang jaga bilang akang Anging Timor Lao. Tagal kapal seng bisa toma anging dari muka, jadi katong kasi biar kapal anyo-anyo di lautang iko anging. 16Kapal anyo di dekat pulo kacil satu yang pele katong dari anging. Pulo tu pung nama Kauda. Katong satenga mati tarek skoci par kasi nai di kapal. 17Pas skoci su ada di atas kapal, anana bua kapal mulai balei badang kapal deng tali-tali biar dinding-dinding kapal seng talapas. Dong taku jang sampe kapal ni anyo la takandas di teluk Sirtis pung tanusang. Jadi, dong kasi turung layar biar kapal anyo-anyo iko anging sa. 18Anging ribot hantam kapal seng stop-stop. Jadi akang pung eso, anana bua kapal mulai buang kapal pung muatang ka dalang lautang. 19Tarus akang pung hari katiga, dong sandiri yang buang dong pung alat-alat kapal ka lautang. 20Katong su bahari-hari seng parna lia matahari deng bintang-bintang la anging ribot jua hantam kapal seng stop-stop. Jadi, katong samua su putus asa deng seng harap lai par salamat.
21Samua orang yang ada di kapal su bahari-hari seng makang apapa. Jadi, Paulus badiri di muka dong la bilang kata, ”Basudara e! Coba waktu itu kamong iko beta seng pi balayar dari Kreta pasti katong sakarang ada bae-bae sa. Katong seng cilaka deng susa macang bagini. 22Mar sakarang beta minta dari kamong samua biar kata katong ada susa jang putus asa. Barang, seng ada satu orang lai dari katong yang nanti mati. Cuma kapal ni sa yang nanti ancor. 23Beta ni somba Tuhan Allah deng beta karja par Antua. Tadi malam Antua pung malekat datang badiri di beta pung sabala 24la bilang kata, ’Paulus e! Jang takotang. Allah mau ale nanti badiri di muka raja basar Roma. Jadi, ale deng samua orang yang ada sama-sama deng ale di kapal ni nanti salamat tagal Allah pung
hati bae par ale.’
25Jadi, basudara samua jang putus asa. Beta parcaya kalo Allah nanti biking parsis deng yang malekat tu su bilang. 26Mar katong nanti takandas di pulo satu.”
27Kapal taanyo-anyo di Lautang Adria sampe ampa balas hari. Mar akang pung tenga malam bagini, anana bua kapal rasa kalo kapal su dekat deng daratang. 28Tagal itu, dong kasi turung batu lot par cari tau lautang tu pung kadalang. Dong ukur bagini, akang pung kadalang tu 37 meter. Tarus, kapal maju sadiki la dong ukur kombali. Akang pung kadalang 27 meter. 29Anana bua kapal taku jang sampe kapal ni takandas di batu karang. Jadi, dong kasi turung jangkar ampa bua dari kapal pung bagiang balakang par balabu. Dong jua harap pagi capat.
30Mar anana bua kapal su baku skongkol par pi kasi tinggal kapal tado-tado. Jadi, dong kasi turung skoci la biking macang dong ada mau kasi turung jangkar dari muka kapal. 31Mar Paulus dapa tau kalo anana bua kapal mau lari. Tagal itu, dia bilang par kapitang Yulius deng antua pung anana bua kata, ”Bapa-bapa e! Kalo anana bua kapal seng tinggal di kapal ni kamong nanti seng salamat.”
32Abis Paulus bilang bagitu, tantara-tantara kasi putus skoci pung tali-tali la kasi biar skoci tu anyo.
33Bagitu su amper siang, Paulus buju samua orang yang ada di dalang kapal par makang. Paulus bilang par dong, ”Basudara-basudara e! Su ampa balas hari ni katong samua tunggu-tunggu deng hati tapukul sampe seng makang apapa. 34Tagal itu, beta minta kamong samua makang biar kuat. Seng ada satu orang lai dari kamong yang nanti cilaka. Kamong samua salamat.”